“INTELLEKTUAL MULK ASOSLARI” malaka oshirish kurslari

Joriy yil 7 noyabridan Intellektual mulk sohasidagi kadrlarni qayta o'qitish va ularning malakasini oshirish o'quv markazida navbatdagi “INTELLEKTUAL MULK ASOSLARI” malaka oshirish kurslari (rus tilida) boshlanishini ma'lum qilamiz. O'quv kursi intellektual mulk sohasidagi qonunchilik, ixtiro va foydali modellar, tovar belgilari va xizmat ko'rsatish belgilarining O'zbekiston Respublikasidagi huquqiy muhofazasi, talabnomalarni rasmiylashtirish, patentning mohiyati va patent tizimining vazifalari kabi mavzularni o'z ichiga oladi. Mazkur o'quv kursi shartnoma asosida olib boriladi. Mashg'ulotlar bir oy davom etadi (144 soat).

Qo'shimcha ma'lumotlar uchun telefon raqami: 232-50-48,

Intellektual mulk sohasidagi kadrlarni qayta tayyorlash va ularning malakasini oshirish o'quv markazi

"IP-CENTER"

O'zbekiston Respublikasi Intellektual mulk agentligi Intellektual mulk sohasidagi kadrlarni qayta tayyorlash va ularning malakasini oshirish o'quv markazi ("IP-Center") davlat unitar korxonasi tijorat tashkiloti hisoblanib, O'zbekiston Respublikasi Prezidentining "O'zbekiston Respublikasining Intellektual mulk agentligini tashkil etish to'g'risida"gi 2011 yil 24 maydagi PQ-1536-son, "O'zbekiston Respublikasining Intellektual mulk agentligi faoliyatini takomillashtirish chora-tadbirlari to'g'risida"gi 2016 yil 20 oktyabrdagi PQ-2637-son qarorlariga, O'zbekiston Respublikasi Vazirlar Mahkamasining 2016 yil 16 oktyabrdagi 215-son, 2016 yil 24 noyabrdagi 394-son qarorlariga muvofiq tashkil etilgan.