2.9. Muallif iltimosiga ko‘ra Depozitariy agar materiallar talab etilgan tarzda o‘ramga joylangan (o‘ram Depozitariy muhri bilan mahkamlanadi, u va Muallif (Talabnoma beruvchi ) tarafidan imzolanadi) bo‘lsa, materiallarni ro‘yxatsiz qabul qilishi mumkin. Bunday holatlarda Depozitariy o‘ramning saqlanishi uchun javobgar hisoblanadi.

2.10. Аsarning mualliflik nusxasini deponentlash uchun Muallif (Talabnoma beruvchi) Depozitariyga asarning aynan bir xil ikkita nusxasini, shuningdek Muallif (Talabnoma beruvchi) tarafidan deponentlash uchun taqdim etilayotgan asarning muallifi ekani ko‘rsatilgan, asarning turi va asar turiga ko‘ra uning hajmi taʼriflangan ikki nusxadagi arizani hamda asarning qisqa annotatsiyasini (tasviriy asarlar uchun) taqdim etadi. Mualliflik asarining har bir nusxasiga Muallif (Talabnoma beruvchi) arizasi ilova qilinadi; har bir nusxada asarni deponentlash sanasi va vaqti qayd etiladi; asarning bir nusxasi Depozitariyda saqlash uchun qoldiriladi, bir nusxasi Muallif (Talabnoma beruvchi)ga topshiriladi.

2.11.Muallif (Talabnoma beruvchi) ushbu Shartnomaning 1.6 bandida ko‘rsatilgan Mualliflik huquqi obektlarini deponentlash bo‘yicha ishlarni tashkil etish to‘g‘risidagi nizom talablariga rioya etish majburiyatini o‘z zimmasiga oladi.

3. MАXFIYLIK VА MUАLLIF (TALABNOMA BERUVCHI) MАTERIАLLАRIDАN FOYDАLАNISH

3.1. Ushbu Shartnomaning shartlari Muallif (Talabnoma beruvchi ) hamda Depozitariy uchun maxfiy maʼlumot hisoblanadi va oshkor etilishi yoki har qanday uchinchi taraf bilan muhokama etilishi mumkin emas.

3.2. Depozitariy Muallif (Talabnoma beruvchi) materiallarini faqat Muallif tarafidan tayinlangan, Muallif tarafidan tegishli tartibda rasmiylashtirilgan ishonchnomada ko‘rsatilgan vakil(lar)ga berishi mumkin.

4. DEPONENTLАSH VА SАQLАSH UCHUN TOʼLOV

4.1. Muallif (Talabnoma beruvchi) taqdim etgan ma’lumotlar asosida Depozitariy tomonidan xizmatlarning ko‘rsatilishi O‘zbekiston Respublikasi adliya vazirining 2022-yil 13-iyuldagi 148-um-son buyrug‘i bilan tasdiqlangan “Intellektual mulk markazi” davlat muassasasi tomonidan ko‘rsatiladigan xizmatlar ro‘yxatiga muvofiq amalga oshiriladi.

4.2.Huquq egasi deponentlash uchun ushbu shartnomaning 2.1 bandiga ko‘ra bitta mualliflik huquqi obyekti uchun belgilangan O‘zbekiston Respublikasida o‘rnatilgan 3 BHM +12 % QQS miqdoridagi to‘lovni, shartnoma imzolangan kundan eʼtiboran o‘n bank ish kuni mobaynida 100 % hajmda amalga oshirishi shart.

4.3.Muallif (Talabnoma beruvchi ) materiallarini saqlash uchun xarajatlar deponentlash uchun to‘lovga kiritilgan.

4.4.Deponentlangan material to‘g‘risidagi maʼlumotreyestrda ro‘yxatga olingan keyingi 1 yillik davr uchun “ipcenter.uz” saytida joylashtiriladi.

5.XIZMAT KO‘RSATISH MUDDATI

5.1. Depozitariy tomonidan ushbu shartnoma bo‘yicha taqdim etiladigan xizmatlarni bajarish muddati 10 kun. Depozitariy tomonidan majburiyatlarni bajarish muddatining boshlanishi xizmatlar uchun to‘lovlar, shuningdek xizmatlar ko‘rsatish uchun to‘liq hujjatlar komplekti taqdim etilgan kundan boshlab hisoblanadi.

6. АNTIKORRUPSION ESLАTMА

6.1.Tomonlar shartnoma bo‘yicha o‘z zimmalaridagi majburiyatlarni bajarish davomida O‘zbekiston Respublikasining korrupsiyaga qarshi kurash to‘g‘risidagi qonunlari talablariga zid keluvchi biron bir xatti-harakatlarni sodir etmaydilar, jumladanO‘zbekiston Respublikasi Аdliya vazirligi huzuridagi “Intellektual mulk markazi”davlat muassasasixodimining o‘z xizmat mavqeidan foydalangan holda bajarishi lozim yoki mumkin bo‘lgan muayyan harakatni pora berayotgan shaxsning manfaatlarini ko‘zlab bajarishi yoki bajarmasligi evaziga shaxsan o‘zi yoki vositachi orqali pora taklif etish, vaʼda berish, taʼma qilish, to‘lab berish kabi harakatlarni sodir etmaydilar, yaʼni xodimlar moddiy qimmatliklar olish yoxud mulkiy manfaatdor bo‘lishga rozilik bermaydilar. Tomonlar ko‘rsatib o‘tilgan xatti-harakatlarga yo‘l qo‘yilmasligi bo‘yicha tegishli choralar ko‘rilishini kafolatlaydilar.

6.2.Аgar shartnoma bo‘yicha TomonO‘zbekiston Respublikasi Аdliya vazirligi huzuridagi “Intellektual mulk markazi”davlat muassasasi xodimining ushbu shartnomaga hamda O‘zbekiston Respublikasi qonunchiligiga zid bo‘lgan xatti-harakatiga, shu jumladan korrupsion qonunbuzarlikni sodir etishga majburlash holatiga duch kelsa, Tomon quyidagi aloqa kanallaridan biri bo‘yicha bu haqda maʼlum qilishi lozim: O‘zbekiston Respublikasi Аdliya vazirligi huzuridagi “Intellektual mulk markazi” davlatmuassasasining +(99871)232-50-42 raqamli “Ishonch telefoni”ga yoki O‘zbekiston Respublikasi Аdliya vazirligining “1008” raqamli “Call-markaz”iga; Аdliya vazirligining “@anticorbot”Telegram-kanali orqali.

7. TOMONLАRNING JАVOBGАRLIGI

7.1.Depozitariy Muallifning saqlash uchun qabul qilinganmateriallarining yo‘qolgani, kamaygani yoki zararlangani uchun, agar Depozitariy materiallarning yo‘qolishi, kamayishi yoki zararlanishi yengib bo‘lmas kuch oqibatida, yohud Muallif materiallariningbu materiallarni saqlash uchun qabul qilishda o‘ziga maʼlum bo‘lmagan va u bilishga majbur bo‘lmagan xususiyatiga ko‘ra, yohud Muallifning g‘arazli niyati yoki qo‘pol ehtiyotsizligi oqibatida ro‘y berganini isbotlay olmasa, javobgar hisoblanadi.

7.2.Materiallari yo‘qolishi, kamayishi yoki zararlanishi oqibatida Muallifga yetkazilgan zarar Depozitariy tarafidan O‘zbekiston Respublikasining amaldagi qonunchiligiga ko‘ra o‘rnatilgan tartibda qoplab beriladi.

7.3.To‘lovchi tarafidan ushbu Shartnomaning 4.2 kichik bandida belgilangan xizmatlar uchun to‘lovni amalga oshirish muddati buzilgan taqdirda Depozitariy To‘lovchiga to‘lov kechiktirilgan muddatning har bir kuni uchun to‘lov summasining 0,5 % miqdorida jarima to‘lanishi to‘g‘risida talabnomani taqdim etishga haqli.

7.4.Ushbu shartnoma bo‘yicha boshqa majburiyatlarni bajarmaganlik yoki lozim bo‘lgan darajada bajarmaganlik uchun Tomonlar amalda qonunchilikda belgilanganidek javobgar sanaladilar.

8. SHАRTNOMАNI O‘ZGАRTIRISH VА BEKOR QILISH SH